Kahs In Kol 2023-2024 Printing Version

Click For More Info.

Friday, December 14, 2020

Sifac: Mutan Ahkisus Uh Pihlesru Sap Lal Pharoa

Mwe Read: Exodus 1:15-22

Kunokon

Friday May 13 2016
Sifac: Moulkin Sie Moul Mislac
Mwe Read: 1 Peter 2:9-16

Lipan Welly
Lipan Welly

In oana pacl nukewa, srui yohk in wi mwet nukewa in kaksakin LEUM GOD lasr ma se meet. Paing ac God bless mwet nukewa. Tuh kowos pa mutanfahl se ma suleyukla, mwet tol lun Tokosra, sie mutanfahl mutal, mwet lun God sifacna, suleyuklac in sulkakin orekma wo lun God, su pangonkowosme liki lohsr nu ke kalem wolana lal (v9). Peter el kalweni ma simlah ke Wuleacng Matu in (Exo19:5-6) kowos fin akosyu ac liyaung wulela luk, kowos ac fah mwet luk sifacna. Faclu nufon ma luk, tuh kowos fah mwet solla luk. Kowos sie mutunfacl sriyukla nu sik mukena, ac kowos fah kulansupweyu oana mwet tol. Peter el srike elan aketeye lah mwet lulalfongi nukewa (Church) suleyuklac yurin LEUM GOD tuh elos in sulkakin orekma wolana lun Lal oana El tuh sulelah tulik nutin Israel.

Verse 9 el eteyuk ke letter se inge ke sripen kut suleyuklac mwet Lun God. Kut suleyuklac in kulansupu LEUM GOD in fahkak Pweng Wo Lal. Matthew 28:19-20, ke ma inge kowos som nu yurin mwet in mutunfacl nukewa fin faclu, ac oru tuh elos in mwet tumuk lutlut: baptaiselos Inen Papa, Wen, ac Ngun Mutal, ac luti nu selos in akos ma nukewa nga sapkin nu suwos. Ac nga ac fah wi kowos pacl nukewa nwe ke safla faclu. Kut mwet lulalfongi nukewa pa ambassador lun LEUM GOD. Enenu na kut in moul kin mislac in pacl nukewa. Kut in moul kin lungse oana ke simlac in 1 Corinth 13:4-8.

Meet kowos tuh tia mwet lun God, ac inge kowos mwet lal. Meet kowos tia etu ke pakoten lun God, a inge kowos eis tari pakoten lal (v10). Mwet kawuk luk, su moul oana mwet sac ac mwet fufahsryesr fin faclu, nga kwafe tuh kowos in sisla ma koluk su monuwos kena nu kac, su mweun lain moul in ngun (v11). Ouiyen moul lowos inmasrlon mwet selulalfongi uh enenu in arulacna wo, elos fin mau akkolukye kowos ac fahk mu kowos mwet orekma koluk, elos ac akilen orekma wo lowos uh, ac kaksakin God ke Len se El ac tuku uh (v12).

Ke sripen Leum, kowos in akos mwet kol nukewa fin falcu, nu sin Tokosra Fulat, tuh el fulat oemeet, ac nu sin governor uh, su srisrngiyuk sin Tokosra Fulat tuh elos in kalyei mwet orekma koluk, ac kaksakin mwet orekma wo (vv13,14). Tuh God El lungse kowos in tulokinya sramsram lalfon lun mwet nikin, ke orekma wo lowos (v15). Kowos in moul oana mwet sukosok, tusruktu nimet orekmakin sukosok lowos in afinya kutena ma koluk, a kowos in moul oana mwet kohs lun God (v16).

Moulkin sie moul mislac: Jesus Christ El orallah tari srikasrak se nu sesr kewa. Ke El oru kulansap Lal, kalyeiyuk El ke pacl na pus. Mwet uh ani el, kahs lokahlok lainel, ac ne kepacna elos srukilyac ac wunilyac. El moulkin moul in mislac ac kutanglah nukewa ma sang in tulokinyac kulansap Lal. Kut mwet lulalfongi uh enenu in kulansupu LEUM GOD lasr ke moul mislac ac akos akwuk nukewa Lun God. Kut enenu in topuk ke lungse in pacl nukewa ke kalyeiyuk ma e tuku in sang fungul kulansap lasr nusin LEUM GOD. Srui kakaskin LEUM GOD ke akwuk mislac ac suwos tuku yurin Wen Sefanna Natul Jesus Christ kut mwet lulalfongi nukewa in moulkin. Sifil paing mwet nukewa ac God bless.

Facebook

Leave a Reply

Your email address will not be published. Required fields are marked *