Kunokon
Friday April 28 2017
Sifac: Peter, “Kitacacng Sheep Nuhtihk”
Mwe Read: John 21:15-19
Tukun elos mongo tari na Jesus el siyuck sel Peter “ Kuh kom lungse na pwacye nga? Soko kihsen siyuck yohk na pwacye nuhnkweyacl sel Peter ke srihpen Peter el pangon muh el luhngse na paye Jesus. Jesus el etuh nuhnak ac luhngse lal Peter pwacnacng elan kalweni in siyuck sel Peter. Jesus el kena tuh ohiyen luhngse lal in tia ma ke nuhnkwacl muhkwena uh el ma ke kena ac insiacl kewa oana luhngse se ma tuhkuh ke kewana sripac na pwacye ma kuh in luhmweyuck nuhke a kuhpahsri luhn mwet luo. Kihsen siyuck soko el siyuck sel Peter inge in pa kihsen siyuck luhn mwet luhlahlfongi nuhkewa. Mwet luhlahlfongi se in oasr luhngse na pwacye ma tuhkuh e ke insiac ac nuhnak na pwaye ke luhlahlfongi ac alu lalos nuh sin Jesus.
Jesus el akkalemye lah ma nuh sin mwet luhlahfongi oana ke el fahk nuh sel Peter ke sheep uh suc oana mwet luhlahlfongi ma enenuh in karihngihnyuck sin mwet kol lalos kuh sin shepherd pa ke mwet sropo lasr inge; Ac enenuh in kihtakat sheep inge pacl nuhkewa ke kahs luhn God ac sheep uh oayacpac fihsracsr pac in som liki un sheep ac som nuh in mwe elyah ac fosrngah pwacnwacng tuh elos in sun ma upac. Kuht enenuh kolyuck sin nguhn in karihngihn kuht Jesus el akihlen luhngse luhn sie mwet Christian lah enenuh sie mwet in moul kihn luhngse in pa moul in luhlahlfongi lasr uh ac lwelah tuh luhngse nuh sin Jesus in pa ma se yohk sripac e met uh. Kahs inge sifil pac tuhkuh ac luhmweyuck kain misac ma lal Peter ma in fahkwack ke ohiyen misac lal Peter lah ohiyen misac lal el tiac oana ohiyen misac lun Jesus ke sripen el muh el sufal in misac oana ke misac luhn Jesus fin sakseng.
