Kunokon

Friday April 21 2017
Sifac: Kena Luhn God Luhmahlah Inkacnek Luhn Mwet Uh
Mwe Read: Rome 8:26-30

Mwet Christian uh ne muhnas in ma puhs in moul in luhlahlfongi lasr uh tuh kuht fin muhkena ac tiac suk kahsruh luhn nguhn muhtahl sin God me, kuht ac koflah kuhtanglah ma upac nuh sesr inge. Nguhn muhtahl luti kuht ac ikacslah inkacnek ac luti kuht lah meac kuht ac oruh. Kuht in pruhe tuh nguhn in use nuh sesr kuh in muhtweng tuh luhng kuhacng luhn God in kahsrekuht ac ahkmihsye nguhnasr in mihs ac tiac fosrngah in pacl upac nuh sesr tuh kuht in tiac muhnahslah. Pwacye lah nguhn muhtahl el pa oswe oiyac ac mwe finsrak lasr nuhke orekma lasr nuh sin God. Nguhn el suk ac etuh insiac nuhkewa ma suk ac kena ac kacfwe ke orekma luhn nguhn. Nguhn el kahsrekuht in oraclah innek in sramsram lasr nuh sin God pwacnwacng tuh devil elan koflah na kuhtanglah in pacl kuht sun ma upac ac fohsrngah. Kahs inge tuhkuh ac akkeye kuht lah tuhlihk nuhtin God inge ac sun ma upac ac kweok inge, tuhsruhk God el orekmakihn ma inge in sang use mwe insewowo ac ahk keye kuht ke moul in luhlalfongi lasr uh kuht in etuh lah ma inge, God el etuh ma sik nuh sesr inge pwacnwacng kuht in sang kulo nuh sel etuh lah God el tiac muhlkihnkuhtlac tuhlihk nahtuhl in pacl upac ac kweok lasr. Nuh selos suc God el luhngse lah ma upac inge ne sik nuh sesr tuh God el fah tiac muhlkihnkuhtlac ac kuht in akkeye kuht kuht in tiac muhnaslah in finsrak ac luhlahlfongi lasr uh.