Kunokon

Friday April 15 2016
Sifac: Sukohsohk Ke Nguhn
Mwe Read: Rome 8:1-11

Lipan Welly
Lipan Welly

Srui yohk in sifil wi mwet nukewa kaksakin LEUM GOD lasr. Paing mwet nukewa ac God bless! Mwe lutlut se inge sifil tuku in akesmakinyekut nukewa lah kut mwet kapir ke sripen ma koluk. Pa inge nature se lasr inge. Kut nukewa kapir ke ma koluk ke sripen ma Adam ac Eve tuh orallah ke Garden Eden. Mwet nukewa orekma koluk, ac elos nukewa tia sun lupan wolana se ma God El akoo nu selos (Rom 3:23).


Sukohsohk ke Nguhn pa sifwa lasr na misenge uh. Jesus El fahk, “Nga fahk na pwaye nu sum: sie mwet el fin tia sifil isusla, el koflana liye Tokosrai lun God (John 3:3).” Ngun lun God su akmoulyelak Jesus liki misa fin muta in kowos, na El su akmoulyelak Christ fah oayapa asot moul nu ke mano sukawil lowos, ke Ngun lal oan in kowos (v11).
Tuh God El lungse faclu ouinge: El ase Wen sefanna natul, tuh elos nukewa su lulalfongi in el fah tia misa, a elos fah eis moul ma pahtpat. God El na etu ma nukewa meet liki Garden Eden lah mwet Lal e seakosten nu sel. Tusruktu ke sripen lungse yohk Lal nu sesr kewa El aksukohsohk ye kut lac orekmakin Wen Sefanna Natul, “Jesus Christ” elan tuku in laman mwet uh, misa ac moulyak kut in eis moul ma patpat.


Ke sripen akwuk ma Jesus El akfasryelah mwe read se inge mutawaek ke, (v1) inge wangin lusla nu selos su moul in ma sefanna yurin Christ Jesus. Tuh ma sap lun Ngun, su ase nu sesr moul pwaye ke kut ma sefanna yurin Christ Jesus, aksukosokyeyu liki ma sap lun ma koluk ac misa (v2). Kut sukohsohk la liki ma koluk lasr efin kut forlah ac lulalfongi lah Jesus el misa ac moulyak. Ma koluk nukewa lasr mouliyuklac ke sripen Sral Jesus.


Kulo kaksakin LEUM GOD lasr ke lungse yohk Lal nu sesr kewa kut kuh in utyak nu ke finsrak se Lal inge: mwet nukewa in eis sukohsohk lah. Wangin inek saye, “Jesus El topkol ac fahk, “Nga pa inkanek, ac pwaye, ac moul; wangin mwet som nu yurin Papa fin tia ke nga.” Sifil kaksakin God ke El akesmakin ye kut lah kut mwet koluk ac moul uh tuku mukena Yorol. Piang mwet nukewa ac God bless!

Leave a Reply

Your email address will not be published.