Kunokon
FRIDAY: December 09, 2016
SIFAC: Hanna El Kasakin God”
MWE READ: 1 Samuel 2:1-10
1Samuel 2:1-10 (Friday) Hannah el Kaksakihn God
• Kuhsen pruhe in kaksak ac sang kulo lal Hannah.
• Hannah el sie muhtwacn tahlahp ac God el lohng puhsren pruhe lal ac ikacslah insiacl elan isuslac ke sie wen suc pa kahlwem kacl Samuel
• Ke sripen wolacna, pahkotwen ac karihngihnyuck wo luhn God nuh sel Hannah kuh nuh selos suc sikaleni in luhlahlfongi God ac tiac tui in kaksakuhnuhl ac sokol in pruhe. Hannah el oruh pruhe in kaksak se lal inge in fahkwack puhsren kaksak lal nuh sin God
• Kaksak lal Hannah som ahluhkwelah mwe sang ma God el sang nuh sel
• Pruh in kaksak lal Hannah sruhmuhn ke wuhlweacng luhn God nuh selos suc ma tiac tui in sokol finne upac nuh selos God el wuhlweacng tuh El fah karuhnguhnuhlos suc muhta in kweok lalos ac tiac tui in luhlahlfongwel in sokol. Pa inge kuhtuh wuhlwelah luhn God ke mwet read se inge:
• Elos suc munahs fah kuhi
• God el oru tuh kuhtuh in suhkahsruhp ac kuhtuh in kahsruhp
• El ahk puhsisacl ye kuhtuh ac ahkfuhlactye kuhtuh
• Elos suc masrihnsracl met elos ac fah tiac sifil masrinsracl
• elos suc ma muhnas elos ac fah akkweyeuck sin God.
• Elos suc tahlahp, God el ac fah ikacslah insiaclos
• Pruhe in kaksak lal Hannah el pahluhi pac ke tohkohsrahe luhn God ke Jesus Christ lah tohkohsrahe luhn God el oreklac ke luhng kuhlwacng ac pahkotwen suc pa kahlwem pac ke kuhsen pruhe lal Hannah in mwe read sacn
• Tohkohsrahe luhn Leum God mwe molwelah nuh selos suc ma kalyeiyuck ke luhlahlfongi lalos; tuh mwet lokwalok ac ma upac sik nuh selos inge ac fah muh kuhnanuclac ac elos suc tuna kuh ke luhlahlfongi lalos fah moullac.
• Mwe lutlut nuh sesr mwet luhlahlfongi in tia fuhlweack ke luhlalfongi lasr. God el fuhlwelah tuh ma upa inge in sik nuh sesr. Ac kuht in sang nuh sel ke pruhe ac luhlahlfongi na pwacye lah wangin ma kuh in srekuhtwelihk liki luhngse luhn God nuh sesr ac el ac fah oruh tuh ma wo in sikyak in pacl upac nuh sesr in ahk kahlwem ye lah God el lohng pruhe luhn mwet lal suc sang insiac in sokol.
