Kunokon
FRIDAY:December 30, 2016
SIFAC: Ma Oreklac Mwe Lohoh Se Nuhke Pwacpa Luhn God”
MWE READ: Rome 1:16- 20
Mwe read se inge srumunyuck nusin mwet lulalfongi fin acn Rome suc pa Paul el sim nuse in akesmakinyelos ke moul in lulalfongi lalos. Sim se lal Paul inge ma in mu tia fihsac-ack lulalfongi lalos nusin Leum Jesus nuke akwuk lun mwet kol fin acn Rome. Elos mwet lulalfongi in kalem kac lac akwuck lun God Papa pa mwet nukewa in eis pweng wo se inge.
Yohk lulalfongi lal Paul ke kuhiyen pweng wo se Leum Jesus El misa ac akfasryellah inge. Mwe read se inge akpaye wulela lun Leum God lac mwe insewowo mukena e tufwa putat nu faclos suc lutlut kihn ac oacyapac in moulkin. Inkanek in molela se ma tuku yurin Leum inge ma nusin mwet Jew in moulkin na tufwa nusin mwet Gentiles. Kalmeyac pa Leum God El sackunlah molela nuselos suc moulkin akwuck ac koko lun Leum God tu elos in tufwa eis insewowo.
Paul el oacyacpac akkalemye nuselos lac seakosten pa ase kasrkusrak lun God in putat nufin elos suc ma tia lemtuleauk ma koluk lalos. Ma koluk inga losrala akfasryeyacn ma pwaye ac suwos. Ke sripac se inge Leum God El kaelos suc ma okanla ma koluk ku elos suc tia kahengkulah ma koluk. Elos in oacyacpac kalem kac la finne elos kofla liye kuh lun God, tusruktuh elos in eis etauk ke kuh kawil ac mutal lun God.
Nusesr misenge pa in etu in lemtuleauk ma sufal lasr ac in siyuck ke nunak munas sin Leum God. Meyen kut fin suk ke Kahs lun God, mutal lun Leum God e tufwa ikaslah nusesr in kalem ke ma sufal lasr. Kahs lun God, kahs kawil ac ku pacnacng kut enenu in suk ac in moulkin. Kut fin tia, kasrkusrak lun God e tufwa putat nu facsr. Akosten ke akwuck lun God ma e ase mwe insewowo nusin elos sulaclah in fasr tukin Leum God.
