Kahs In Kol 2023-2024 Printing Version

Click For More Info.

Friday, December 14, 2020

Sifac: Mutan Ahkisus Uh Pihlesru Sap Lal Pharoa

Mwe Read: Exodus 1:15-22

Kunokon

FRIDAY: November 25, 2016
SIFAC: Alu Wacngin Saflaiyacn”
MWE READ: Fwackyuk 7:9-12

Alu Wangin Sahflahiyac

Heinson Sigrah
Heinson Sigrah

• John el srumuhn ma inge ke sie ohiyac suc ma ac sikyak in kuhsrao tukun kosracni na yohk se inge. Un mwet puhspuhs se inge ma eis Jesus Christ ke pacl in keok lalos elos tia tui in oru fahkwack ac kuhlacnsap lalos ac fahkwelihk ke wolana luhn God ke wen natul suc tuku misa fin saksen soko ah.
• Elos nuknukyang ke nuknuk fasrfasr suc akkalemye lah met inge elos suwos ye mutun God ac elos nasnasla ke sripen elos luhlahlfongi ke misa luhn Jesus ac srahn Jesus suc aknasnasyelah nuknuk lalos akfasrfasrye kalme pa elos nasnas ac suwos ye mutun God..
• Verse 9 el sruhmuhn pac lah elos sruok lesahk palm in paholos suc orekmakihnyuck in pacl met in akkalemye ke mislac, engan ke kuhtanglah lalos suc pa luhmweyuck nuhke ahkfuhlact lun un mwet na puhs se inge ke kuhtanglah lalos ke sripen Jesus
• Verse 10: Un mwet se inge elos wowoyak ke puhsra luhlahp in akkalemye lah molela tuku yurin God ac ma nu sin God. Tia ma nuh sin mwet uh. Mwet uh tia kuh in eis molela selos sifana. Orekma luhn God suc kalem ke Jesus Christ pa use molela se inge, te ma ke sripen orekma wo luk, kuh papa tumuk, kuh nina kiuck, kuh kutena ohiyac sahyac. Wolana ac molelah uh tuku sin Jesus ke misa lal fin saksen. Tron se ma sruhmuhyuck inge tia eklac liki tron ma sruhmuhnyuck ke mwe read met ke chapter 4 ku 5 ke sripen mwet inge kewa tuku ye mutun tron luhn God in oru akfulat lalos ke sripen orekma luhn God pa ke molela lal el use lamb soko fanna natul tuh in misa ke ma koluk lasr.
• Verse 11: Akkalemyeyuck lah un met se inge , elos faksucfi ye mutun God in akkalemye mutal iyen ac wolana iyen akfulat lalos lah pal nukewa met uh oru akfulat lalos uh elos in oru ke paye ac mutal nu ye mutun God ke sripen met inge akilen lah paye God el mutal ac nasnas enenuh kut in alu nuh sel ke paye ac suwos. El srumuhn pac lah lupufan inge ne tia orekma koluk, elos wi pac suwollac ye mutun God in akkalemye lah mutalana luhn God wangin ma kuh in kapsra.
• Un mwet se inge elos akkalemye ke mutallana ac wolana lun God ke sripen wolana lal pa sripac elos akfulat lalos enenu in arulana mutal ac paye.
• Verse 12: Oana ke elos oru pusren kaksak lalos ac fak: Amen, kaksak, wolana, lalmwetmwet, sang kulo, sunak, wal fulat, ac kulana ma lun God lasr ma patpat ac ma patpat Amen.
• Ac kalmen Amen el sifil pa kalweni iyac ac ak paye lah ke mutal lana ac wolana lun God. Ke kut akfulatye Thanksgiving ac Christmas kut enenu in etuh lah tia ke sripen kuhtanglah luhn kuhtena mwet kuh wo lalos pa oru kut oru akfulat lasr uh. Kut enenu in akilen ac sang kulo ke orekma wolana lun God ke Jesus Christ muhkena ke sripen kuht moul sun len na special se nge in wi ak fulat ye uh.
• Mwe nunak ac moul kihnyac nuh sin mwet luhlalfongi: Mwe lutlut se inge akkalemye lah wangin sahflahiyen alu ac ak fulatyeyac luhn mwet luhlahlfongi suc ma ac muh wi un mwet na puhs se inge in oru ak fulat lalos

Akuhteyac se inge ma sel Tamulel Heins Sigrah.

Facebook

Leave a Reply

Your email address will not be published. Required fields are marked *