Kunokon
FRIDAY: October 28, 2016
SIFAC: “Muhtweng Kaiyuck, Ipeis Ke Muhtahlacna Luhn God”
MWE READ: Hebrew 10:35-39
Mwe lutlut se inge srumun ke kusen akkeye nu sin mwet Christian in pal soh. Tiana liksreni kalem la su sumusla Book Hebrew, tusruktu, kalem la el sie mwet kalem ke moul lalos in pal so, yok na mwet lalalfongi. Ke sripen kalyaiyuk elos, panang in oasr nunak in alolo ac in lafwekin lalalfongi ke Christ. Oana ke sifa se inge fahk u “Muteng Kaiyuk”. Kusen akkeye inge, finsraki elos in tu na ku, tia fuleak lalalfongi lalos, elos in ku in wi “Ipeis ke Mutallana lun God.”
Mwe lutlut u tuku pa nu sesr misenge, in akkasmakyekut, in akkeyekut ke moul in lalalfongi lasr ke God Mutal a Wen Natul Jesus Christ. Kut tiana pulakin oana elos in pal soh nuke kalyaiyuk elos, tusruktu, kut lie, pula a akilen oiya pus misenge ma tuku in fungul lalalfongi lasr u oana elos ingo.
Mea kutu ma kut akilen inge? Nga fahkla ke pusrek, ye mutun mwet pus mu nga mwet Christian se, oiya luk ke nga mukena, fahkak sienna. Nga som wi alu, monuk mukena, tia insiuk. Nga sramsram israsr, insiuk mwenlah na ke nunak koluk. Nga sruokya mwe lung se mwet se use luhk, ke nga etu mu ma tuku ke inkanek sufal. Nga mangelik ke on in kaksak, tiana etu la mea kalmac a nga onkakin.
Ke sripen ma sikyak ke pal u, panang in oasr pa nunak in fosrnga. Nunak in fosrnga lasr inge, panang kut in kutasrik, kikiap, rapku, srowosr, pisrapasr. Kut sifana akkeyekut mu arulana upa pal u.
Mwe lutlut se inge tuku arulana fal nuke pal u. Kut in sulala inkanek lasr. Kut fin asang nukewa moul lasr nu Sel, wangin na wangin ma ac upa, kut finne lafwekinkutlac sifacna misenge, kut ac fah insewowo ma pahtpaht yurin God. Mwe keok, mwe ngal, mwe insewowo lun falu, kewana tia ma tiac kawul. Moul ma patpat pa enenu in yok omeet sesr kais sie, kut fin ac sang kewa nu Sel.
