Friday, December 14, 2020

Sifac: Mutan Ahkisus Uh Pihlesru Sap Lal Pharoa

Mwe Read: Exodus 1:15-22

Kunokon

Friday October 21 2016
Sifac: Mwe Sang Sefanna Luhn Jesus
Mwe Read: Hebrew 9:11-15,23- 28

Lipan Welly
Lipan Welly

Kulo kaksakin LEUM GOD ke moul lasr ac ke mwe sang sefanna El ase ke Wen Sefanna natul, “Jesus Christ”. Jesus El topuk ac fahk, “Nga pa inkanek, ac pwaye, ac moul; wangin mwet som nu yurin Papa fin tia ke nga (John 14:6).”

Mwe lutlut se inge tuku in sifil akesmakinye kut ke inkenak ma LEUM GOD El orekmakin ke Wuleacng Matu in sulkaking Wen Natul Jesus Christ. Ke mwe read se inge (v12) ke Christ el fahsr sasla lohm nuknuk sac ac utyak nu in Acn Mutal Na Mutal ke pacl sefanna in akfalye pacl nukewa, el tiacna us srahn nani ku srahn cow mukul mwe kisa; a ke srahl sifacna el ase nu sesr molela ma pahtpat.

Mwe sang se inge tuku ke srahn Jesus Christ mukena. El pa LEUM GOD sifacna. El tuku in luman mwet uh, anwuki, misa, ac moulyak in use moul ma patapat nu sin mwet nukewa suh lulalfongi in El. Mwe sang se inge tuku nusin faclu nofon ke sripen lungse yohk lun God Papa. Wangin mwet sowus in oana Rome 3:23; mwet nukewa orekma koluk, ac elos nukewa tia sun lupan wolana se ma God El akoo nu selos. Jesus Christ mukena pa sun wolacna se inge.

Kut kupasryang nusin LEUM GOD ke sripen mwe sang se inge, “Jesus Christ.” Lela kut in kaksakin GOD in pacl nukewa ke moul lasr ac tupan tuku lun Wen Natul. Kowos akmoulyeyukyak yurin Christ, ke ma inge, kowos in sang insiowos in nunku ke ma su oan lucng, yen Christ el muta fin tron lal, lac po layot sin God. Lela nunak lowos in suiya ma su oan lucng, ac tia nu ke ma oan fin faclu (Col 3:1-2).

Sifil srui kaksakin LEUM GOD ke moul lasr ac paing mwet nukewa. God bless!

Share on facebook
Facebook

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.