Kunokon
FRIDAY: October 14, 2016
SIFAC: “Sie Mwet Meun Mwo Luhn God”
MWE READ: 2 Timothy 2:1-7
Nga kulo pac Kaksakin God ke moul wowo ma nga pulakin ne ke pal se inge ac in pain met wiyuk nukewa ma ekin met kulansap ac Lalalfongi in Christ Jesus. Nga wi pac engan in tafwela ke me lutlut se lasr nuke Friday an.
Paul el tu simis letter lal nu sel Timothy in akkeyacl ke orekma lal ac ke lungkulang ma El eis ke sripen kupasryang lal in Christ Jesus. El fwak mu elan long ac eis me lutlut ma el luti nu sin met uh ac tafela nu sin met ma el lalalfongi mu e ku tafela ac luti pac nu sin met sayac. Paul el oayapa fwak la, Timothy el enenu in keok oana sie met meun lun Jesus Christ. Sie met meun oaru el akonsewowoye met kol panang el tia akfosyacl sifwana ke orekma lal nu sin met sayac. Ke verse 5, 6 an, paul el srike in akuteyac nu sel Timothy in kalem ke oiyen sie met orekma oaru, el luma pac nu ke oiyen sie met akutun uh la, el fin tia akos ma sap lun met kol lal uh ma elac tia eis molin kutangla ke kasrusr lal uh, ac nu sin imac se, ke sripen el orekma upac fal elan eis ip lal ke pal in kosrani.
Nga ac kom enenu in ekin pac sie met meun wo lun God. In oru oana ke Paul el akkeyacl Timothy. Ke kut kupasryang nu sin Christ Jesus uh kut wi pac eis lungkulang, ac kut in oayapa keok ke orekma lasr oana ke Jesus Christ El tuku keok kasr metu, El pilesrac lah me keok nukewa ke El muta fin fwalu ke sripasr met uh. Na nga kom su ekin met lalalfongi ac met kulansap lal uh, kut enenu in keok pac. Tu kut fin mutangla me keok nukewa nu sesr uh, na kut ku in pangpang sie meun wo lun God, ac kut fwa eis molin orekma upac lasr in len safla.
